फेक आइडी बनाएर पार्टीको माथिल्लो तहबाट हामीविरुद्ध लाञ्छना लगाउने काम भइरहेको छ– योगेश भट्टराई

बिएल संवाददाता

काठमाडाैं

• • •

नेकपा एमालेका उपमहासचिव योगेश भट्टराईले पार्टीका मथिल्लो तहका नेताहरूबाट आफूमाथि लान्छना लगाउने र घृणायुक्त अभिव्यक्ति दिने काम भइरहेको बताएका छन्।

आइतबार सामाजिक सञ्जाल फेसबुकमार्फत उनले शरू शर्मा नामको नक्कली फेसबुक आईडीबाट उक्त काम भइरहेको बताएका हुन्।

अहिले एकअर्कोसँग घृणा नभई पार्टीको एकता जोगाउने, पार्टीलाई बहुआयामिक रूपले रूपान्तरण गर्नुपर्ने र गुमेको जनविश्वासलाई पुनः आर्जन गर्नुपर्ने उनको सुझाव छ।

‘अहिले हाम्रो प्राथमिकता भनेको पार्टीको एकता जोगाउनु, पार्टीलाई बहुआयामिक रूपले रूपान्तरण गर्नु, गुमेको जनविश्वासलाई पुनस् आर्जन गर्नु गर्नु हामी सबैको प्राथमिक महत्वको कार्यभार हो। यसका लागि उपयुक्त समयमा उपयुक्त बिधी र स्थापित प्रक्रिया मार्फ़त तथ्य र तर्क सहित छलफल र बहस गर्न जरूरी छ।’

• • •