प्रधानमन्त्री केपी शर्मा ओलीसँग ‘मेरो डान्स युनिभर्स’ र ‘मेरो भ्वाइस युनिभर्स’ शृङ्खला-२ का आयोजक र प्रतियोगीहरूले भेटघाट गरेका छन्।

विश्वभर रहेका नेपाली मूलका कलाकारमध्येबाट २३ मुलुकका छानिएका कलाकारसँग प्रधानमन्त्री ओलीले उनीहरूको प्रतिभा र नेपालीपनको एकत्वको भावनाको विस्तारको अभियानमा शुभेच्छासहित भेटघाट गरे।

शृङ्खलाका आयोजक र कलाकारहरूलाई प्रधानमन्त्री ओलीले नेपाली कला, साहित्य, संस्कृति, नृत्य, हाउभाउ आदिलाई जीवन्त बनाउन प्रतियोगीहरूको भूमिका रहने बताए।

विश्वका जुनसुकै कुनामा रहे पनि नेपालीहरूमा रहने जनेटिक मोमोरीले नेपाली कला, संस्कृतिलाई जीवन्त बनाउने उनको भनाइ थियो।

कार्यक्रममा नेपाल, भूटान, भारत, संयुक्त राज्य अमेरिका, दुुबइ, संयुक्त अधिराज्य बेलायत, अष्ट्रेलिया, जापान, म्यान्मार, पोर्चुगल, मलेसिया, थाइल्याण्डलगायतका नेपाली मूूलका प्रतियोगीहरूको सहभागिता रहेको इन्ट्रा फाउण्डेसनका अध्यक्ष डिल्ली अधिकारीले बताए।

इन्ट्रा फाउण्डेसन उक्त प्रतियोगिताको आयोजक हो, सञ्चालक तथा अध्यक्ष हुन अधिकारी। यिनै अधिकारीमाथि समाजसेवाकाे नाममा अमेरिकी भुटानीहरूबाट उठाएको वा गैरकानुनी तवरले कमाएको कालाे धनलाई सेताे बनाउन लागिपरेको आराेप छ।

यहि फाउन्डेसनले मेरो डान्स युनिभर्स र मेरो भ्वाइस युनिभर्स प्रतियोगिता बनाउँछ। आज तिनै प्रतियाेगितामा छानिएका प्रतियाेगीलाई लिएर प्रधानमन्त्री ओली भेट्न पुगेका  छन् डिल्ली अधिकारी।