मिडिया काउन्सिल विधेयकबारे सांसदहरुले सुझाव संकलन गरेका छन्।

बिहिबार रिपोट्र्स क्लबमा एक कार्यक्रम गरी सांसदहरुले सुझाव संकलन गरेका हुन्। नेपाल मिडिया काउन्सिल सम्बन्धी कानुनलाई संशोधन र एकीकरण गर्न बनेको विधयेकमा सुझावदिदै नेपाल पत्रकार महासंघका उपाध्यक्ष दिलिपथापा मगरले विधेयक ल्याउँदा पत्रकारिताको विकास र पत्रकारको हितलाई केन्द्रमा राखिनुपर्ने बताए। उनले मिडियालाई अंकुश लगाउने प्रकारको गतिविधि कहीं कतैबाट हुन नहुने बताए।

सांसद वृशेषचन्द्र लालले विधेयक परिष्कृत र प्रभावकारी बन्ने भन्दै देशमा निष्पक्ष र निर्भिक पत्रकारिताको सुनिश्चिततालाई ध्यानमा राखेर विधेयक तयार हुने जानकारी दिए ।

कार्यक्रममा विधयेक समितिको तर्फबाट सुझाव उपसमितिका संयोजक सांसद ठगेन्द्र प्रसाद पुरीले विधयेकबारे सुझाव संकलन गरी आमसञ्चार र पत्रकारिताका क्षेत्रको हितलाई दृष्टिगत गरी विधेयक तयार पारिने जानकारी दिए। सांसद हरिशरण शिवाकोटीले संविधानले नै पूर्ण प्रेस स्वतन्त्रताको सुनिश्चितता गरेकाले पत्रकारहरुको भावना समेटेर विधयेकले अन्तिम रुप पाउने बताए।