अमेरिकामा एकै दिन दुई सामुहिक गोलिकाण्ड भएका सहरमा सहानुभूति दर्शाउन पुगेका अमेरिकी राष्ट्रपति ट्रम्पले उल्टै विरोधको सामना गर्नुपरेको छ । उनको पक्षमा पनि केही प्रदर्शनकारी देखिएका थिए ।
उनी पहिला ओहायोको डेटन पुगेर अस्पतालमा उपचाररत घाइतेहरूलाई भेटेका थिए । त्यहाँ शुक्रबार मध्यरातमा ९ जनाको ज्यान लिने गरी गोलीकाण्ड भएको थियो भने दर्जनौ घाइते भएका थिए ।
यो पनि हेर्नुहोस्
किन बढ्दै छ कतारमा विप्लव माओवादीको आकर्षण?
त्यसपछि राष्ट्रपति ट्रम्प टेक्सासको एल पासो पुगे । त्यहाँ दक्षिण अमेरिकी मूलका मानिसलाई निसाना बनाइएको घृणाजन्य अपराध कर्ममा संलग्न एक बन्दुकधारीले गोली चलाउँदा शनिवार २२ जनाको ज्यान गएको थियो।
राष्ट्रपति ट्रम्प दक्षिण अमेरिकी मूलका नागरिकप्रति सहानुभूतिशील नभएको बताइन्छ । त्यसैले उनले डेटनमा भन्दा एल पासोमा ठूलो विरोधको सामना गर्नुपर्यो ।
यो पनि हेर्नुहोस्
अमेरिकी युवाहरूमा हिन्दु धर्मको देवी देउताहरू प्रतिकाे आकर्षण
त्यहाँकी कंग्रेस सदस्य भेरोनिका एस्कोबारले त राष्ट्रपति ट्रम्पलाई भेट्न नै अस्विकार गरिन् । उनले ट्रम्पको "जातीवादी तथा घृणा, द्वेष फैलाउने शब्द तथा क्रियाकपालले आफू, आफ्नो समुदाय र आफ्नो देशलाई पीडा पुगेको" बताइन् । स्थानीय प्रभावशाली नेता तथा डेमोक्रेटिक पार्टीबाट राष्ट्रपति उम्मेद्वारका आकांक्षी बेटो ओ रोर्क राष्ट्रपति ट्रम्पले आप्रवासीहरूको "धज्जी उडाएको" भन्दै उनको आलोचना गरे ।
प्रदर्शनकारीहरूले 'राष्ट्रपति ट्रम्प तिमी आउँदा हामीलाई सहानुभूति हैन, पीडा हुन्छ, त्यसैले तिमी नआऊ', यो सबै तिमीले ट्विट गरेका घृणाका शव्दहरू पड्केर ज्यानमारा भएका हुन्' जस्ता प्लेकार्ड बोकेका थिए ।
