एपिएफले सेमिफाइनलमा पुलिस क्लबको सामना गर्ने

एपिएफले सेमिफाइनलमा पुलिस क्लबको सामना गर्ने

नेपाल एपिएफ क्लबले काठमाडौंमा जारी न्यु डायमण्ड खुला महिला भलिबल प्रतियोगिताको सेमिफाइनलमा अर्को विभागिय टोली नेपाल पुलिस क्लबको सामना गर्ने भएको छ।

प्रतियोगितामा तीन विभागिय टोली र आयोजक न्यु डायमण्ड स्पोर्टस क्लब सेमिफाइनल पुगेका छन्। अर्को सेमिफाइनल न्यु डायमण्ड र अर्को विभागिय टोली त्रिभुवन आर्मी क्लबबीच हुनेछ। समूह ‘ए’ को अन्तिम खेलमा आर्मीलाई हराउँदै समूह एपिएफ विजेता बनेको हो। 

ढोर पाटन क्लब बालावुमाार शुक्रबार एपिएफले आर्मीलाई २५–२१,२५–१२ र २५–२१ को सोझो सेटमा हराएको छ। एपिएफले समूह चरणका सबै तीन खेल जितेको थियो। आर्मीले भने एपिएफ बाहेक दुई टोलीलाई हराएको थियो। अब समूह एको विजेता एपिएफले बीको उपविजेता पुलिस तथा समूह ए को उपविजेता आर्मीले आयोजक न्यु डायमण्डको सामना गर्नेछ। दुवै सेमिफाइनल शनिबार हुनेछ।

शुक्रबार नै भएको समूह बीको खेलमा पुलिसलाई २५–१९,२५–२३,१७–२५,१६–२५ र १५ –६ ले हराउँदै न्यु डायमण्ड समूह विजेता बनेको थियो।

मुख्य प्रायोजक होङ्गान्जी बौद्ध समाज नेपाल रहेको प्रतियोगिताको विजेताले ४ लाख १ हजार १ रुपैयाँ , दोस्रो हुने टोलीले ३ लाख १ हजार १ सय रुपैयाँ प्राप्त गर्नेछ। तेस्रो हुनेले टोलीले १ लाख ५१ हजार १ सय १ रुपैया तथा चौथो हुनेले ५१ हजार १ सय १ रुपैयाँ प्राप्त गर्नेछ।

प्रतियोगिताको सर्वोत्कृष्ट खेलाडीले २१ हजार १ सय १ रुपैया प्राप्त गर्नेछन्। व्यक्तिगत विधातर्फ स्पाइकर, ब्लकर, क्विकर, सेटर, सर्भर, डिफेन्डर र प्रशिक्षकले जनही ७ हजार १ सय १ रुपैयाँ पाउनेछन्।
 

प्रकाशित मिति: Jan 10, 2020 21:55:16

प्रतिक्रिया दिनुहोस

सबै