बीबीएल: मेलबर्नकाे दोस्रो हार,सिड्नी सिक्सर्स २१ रनले विजयी

बीबीएल: मेलबर्नकाे दोस्रो हार,सिड्नी सिक्सर्स २१ रनले विजयी

 मेलबर्न स्टार्सले बिगबास लिग (बीबीएल) क्रिकेटमा दोस्रो हार व्यहोरेको छ।

सोमबार भएको खेलमा सिड्नी सिक्सर्ससँग २१ रनले पराजित हुँदै मेलबर्नले लिगमा दोस्रो हार व्यहोरेको हो।

वर्षाले प्रभावित गरेपछि १४ ओभरमा झारिएको खेलमा सिड्नीले दिएको १ सय ४४ रनको लक्ष्यसहित जवाफी ब्याटिङ गरेको मेलबर्नले १४ ओभरमा ५ विकेट गुमाएर १ सय २५ रन मात्रै बनाउन सक्यो।

मेलबर्नका लागि मार्कुस स्टोनिसले ६३ रनको अर्धशतकीय इनिङ्स खेले। यस्तै हिल्टन क्याटराइटले २१ रन बनाए।

यसअघि घरेलु टोलीले पुरै ओभर खेल्दै ३ विकेट गुमाएर १ सय ४३ रन बनाएको थियो।

सिड्नीका लागि कप्तान मोइसेस हेन्रिक्सले सर्वाधिक ७२ रनको अर्धशतकीय इनिङ्स खेले। यस्तै जेम्स भिन्सले अविजित ४१ रन बनाए।

मेलबर्नका लागि सन्दीप लामिछानेले २ विकेट लिए।  

प्रकाशित मिति: Jan 20, 2020 17:16:43

प्रतिक्रिया दिनुहोस

सबै