काठमाडौं : माघ २८ गते डिआइजी ठाकुर ज्ञवाली (हाल आइजी) विराटनगरबाट काठमाडौं हानिए। प्रदेश नम्बर १ को प्रहरी प्रमुखको जिम्मेवारी पाएका ज्ञवालीले फेरि फर्किएर विराटनगर प्रदेश प्रहरी सम्हाल्न पुग्नु परेन। मन्त्रिपरिषद्को बैठकले डिआइजी ज्ञवालीलाई आइजीमा बढुवा गरिदियो।
उनीसँगै आइजीको बढुवाका दावेदार बनेकाहरुका लागि भने प्रदेशबाट काठमाडौंको यात्रा निरस नै बन्यो। ज्ञवालीको बढुवासँगै प्रदेश प्रहरीको जिम्मेवारी निमित्तमा सर्यो। उनी बढुवा भएको १२ दिनदेखि अहिले १ नम्बर प्रदेश प्रहरी निमित्त (एसएसपी) कै भरमा नै चलेको छ।
