११ दिनअघि चीनबाट नेपाल ल्याएर भक्तपुरको खरीपाटीस्थित क्वारेण्टाइनमा राखिएका १ सय ७५ जना नेपालीले १४ दिनमै परिवारलाई भेट्न नपाउने भएका छन् ।
१४ औ दिनको दिन अन्तिम पटक स्वाब ( र्याल, खकार) परीक्षण गरे पनि रिपोर्ट नआएसम्म उनीहरु घर जान नपाउने भएका हुन् ।
‘१४ औ दिनमा हामीले कोरोना संक्रमण छ/छैन भनेर नमुना ल्याबमा पठाउँछौं, रिपोर्ट आउन २ देखि ३ दिनसम्म लाग्न सक्छ’ स्वास्थ्य मन्त्रालयका सहप्रवक्ता सागर दाहालले भने, ‘पूरा रिपोर्ट आएपछि मात्रै हामी उहाँहरुलाई घर पठाउँछौ।’
