पहिलो पटक गत डिसेम्बरमा चीनमा देखिएको नोभल कोरोना अर्थात कोभिड–१९ भाइरसको संक्रमण एक लाख भन्दा बढीमा देखिएका छ। शुक्रबार अपरान्हसम्मा १ लाख १ सय ६२ जनामा कोरोनाको संकेत देखिएको हो ।
कोरोना देखिएका मध्ये आधा भन्दा बढी निको भइसकेका छन्। ९३ देशमा पुगेको कोरोनाका ५५ हजार ८ सय १२ जना उपचारपछि निको भइसकेको एजेन्सीहरूले जनाएका छन् ।
कोरोनाका कारण ३ हजार ४०६ जनाको ज्यान गइसकेको छ ।
यता चीनका सुपरस्टार ज्याकी चेनको स्वास्थ्यको विषयलाई लिएर उनका समर्थकहरूले चिन्ता व्यक्त गरेका छन्। जब कि ज्याकीले इन्स्टाग्राममा आफू सुरक्षित रहेको र केही आत्तिनु नपर्ने बताइसकेका छन् ।
अंग्रेजी वेबसाइट स्पाटवोयका अनुसार ज्याकीका विश्वभर धेरै शुभचिन्तक छन् । सबै शुभचिन्तकलाई उनको स्वास्थ्यलाई लिएर चिन्ता हुनु स्वाभाविक हो ।
‘चिन्ता लिनुभएका सम्पूर्ण शुभचिन्तकहरूमा धन्यवाद । म सुरक्षित र तन्दुरूस्त छु । आशा गर्छु, तपाईंहरू पनि स्वस्थ हुनुुहुनेछ,’ उनले इन्स्टाग्राममा लेखेका छन् ।
