अस्पतालका लागि ‘टाउको दुखाई’ बन्दै कोरोना संक्रमित गायिका कनिका

अस्पतालका लागि ‘टाउको दुखाई’ बन्दै कोरोना संक्रमित गायिका कनिका

भारतको लखनऊमा कनिका कपुरका कारण कोरोना भाइरसको संक्रमण बढ्ने खतरा पैदा भएको छ। शहरमा मात्रै नभई पूरा राज्यमा कोहोलो मच्चिएको छ अब कनिकाअस्पतालका लागि समस्याको कारण बनेकी छिन् जहाँ उनको उपचार भइरहेको छ।

कोरोना भाइरसबाट संक्रमित पाइएपछि कनिकालाई शुक्रबार लखनउको संजय गांधी पीजीआई अस्पतालमा भर्ना गरिएको थियो तर एकदिन पछि नै यस्तो स्थिती आएको  छ।

कनिकाले एक न्यूज वेबसाइटसँगको कुराकानीमा अस्पतालमा उनलाई एक अपराधीको जस्तो व्यवहार गरिएको बताएकी छिन्। उनले भनेकी छिन्, ‘जुन कोठामा उनलाई राखिएको छ त्यहाँ निकै फोहोर छ र लामखुट्टे पनि आउँछन्। मैले डाक्टरलाई सफा गरिदिन आग्रह गर्दा डाक्टरले ‘यो अस्पताल हो, पाँचतारे होटल होइन’ भनेर जवाफ दिने गर्छन्।’

यसबारे कनिकाका परिवारसँग पनि कुराकानी गर्ने कोसिस गरिएको तर सम्भव हुन नसकेको बीबीसीले बताएको छ। यस्तै कनिकाको यो आरोप सोसल मिडियामा पनि भाइरल हुन थालेको छ।

यता एसजीपीजीआई अस्पतालको तर्फबाट जारी वक्तव्यमा कनिकालाई हरसम्भव सुविधा दिँदासमेत उनले एक बिरामीको जस्तो नभई एक स्टारको जस्तो व्यवहार गरिरहेको बताइएको छ।

अस्पतालका निर्देशक प्राध्यापक आरके धीमानले बीबीसीसँगको कुराकानीमा भने, ‘हामीले अस्पतालमा उनका लागि सबैभन्दा राम्रो सुविधा उपलब्ध गराएका छौं, उनलाई एसी भएको कोठा दिइएको छ जसमा अट्याच टोयलेट छ। सर–सफाईको विशेष प्रबन्ध मिलाइएको छ। कोठामा टिभी पनि राखिएको छ।’

प्राध्यापक धीमानले थपे, ‘सुरुमा उनले आफू घरको खाना खाने बताइन् जुन उपचारको क्रममा सम्भव थिएन। उनको मागपछि उनलाई यहाँ ग्लूटेन फ्री खाना दिइँदैछ जुन भान्सामा छुट्टै बनाइँदैछ। उनलाई पछि पनि यसरी नै हेरविचार गरिनेछ तर उनले पनि सोच्नुपर्छ कि अस्पतालमा उनी एक बिरामी हुन्, स्टार होइनन्।’

प्रकाशित मिति: Mar 22, 2020 08:48:08

प्रतिक्रिया दिनुहोस

सबै