कोरोना भाइरस (कोभिड–१९) को जोखिम न्यूनीकरण गर्न सरकारले आह्वान गरेको लकडाउनका कारण सर्वसाधारणको जनजीवन प्रभावित हुन पुगेको छ । लकडाउनको करिब दुई साता बित्दा नबित्दै बजारमा त्यसको प्रत्यक्ष असर देखिन थालिसकेको छ । विशेषगरी दैनिक उपभोग्य वस्तु दाल, चामल, नुन, तेल जस्ता सामग्रीको जोहो गर्न नसक्दा, मजदूर, असहाय र विपन्न बर्गका नागरिक नराम्ररी प्रभावित भएका छन् । सरकारले उनीहरुका लागि राहतको घोषणा गरेको भएपनि अझैपनि उनीहरुसम्म राहत पुगिसकेको अवस्था छैन ।
