विश्वभर महामारीका रुपमा फैलिरहेको कोरोना भाइरसको संक्रमणबाट म्यानचेस्टर सिटीका प्रशिक्षक पेप ग्वार्डिओलाको आमाको मृत्यु भएको छ।
गुआर्डीओलाकी आमा दोलोर्स साला कार्रियो ८२ वर्षको उमेर आइतबार बार्सिलोनामा मृत्यस भएको हो।
सिटीले एक विज्ञप्ति जारी गर्दै गुआर्डीओला र उनको परिवारलाई समवेदना प्रकट गरेको छ।
सिटीली जारी गरेको विज्ञप्तिमा लेखिएको छ, ‘म्यानचेस्टर सिटी परिवार प्रशिक्षक पेप गुआर्डीओलाकी आमा दोलोर्स साला कार्रियोको मृत्युको दुखद घडीमा छ। क्लबसँग सम्बद्ध सबैको तर्फबाट यो उनको परिवार र साथीलाई समवेदना प्रकट गर्दछौं।’
स्पेन कोरोनाका कारण निकै असर परेको राष्ट्रमा पर्दछ। हालसम्म स्पेनमा १३ हजार बढीले ज्यान गुमाइसकेका छन् भने १ लाख ३५ हजारमा संक्रमण देखिएको छ। ४० हजार संक्रमित भने ठिक भैसकेका छन्।
गुआर्डीओलाले खेलाडीको रुपमा स्थानीय क्लब बार्सिलोनामा खेलेका थिए। त्यसपछि प्रशिक्षकका रुपमा बार्सिलोनामा सफल रहेका उनी बायर्न म्युनिख हुँदै सिटी आएका हुन्।
१ .
२ .
३ .
४ .
५ .
