महाप्रसाद अधिकारी गभर्नरको रुपमा पुनः नेपाल राष्ट्र बैंकमा फर्किएका छन् । २२ वर्ष सेवा गरेर डेपुटी गभर्नर हुँदै ४ वर्षअघि राष्ट्र बैंकबाट बाहिरिएका अधिकारी गभर्नर नियुक्त हुँदै पुनः राष्ट्र बैंकमा फर्किएका हुन् ।
अघिल्लो कार्यकालमा नै डेपुटी गभर्नर हुँदा गभर्नरका स्वाभाविक दाबेदार रहेका अधिकारीको त्यो बेलाको चाहना ५ वर्षपछि अहिले आएर पूरा भएको हो । अन्य आकांक्षी र सिफारिसमा परेका पूर्वसचिव डा. राजन खनाल र कायम मुकायम गभर्नर चिन्तामणि शिवाकोटीलाई पछि पार्दै सरकारको रोजाइमा उनी पर्न सफल भएका हुन् ।
