भारतको अस्पतालबाट भागेका काेराेना संक्रमित नेपाली पक्राउ

भारतको अस्पतालबाट भागेका काेराेना संक्रमित नेपाली पक्राउ

भारतको उत्तर प्रदेश राज्यस्थित बागपत जिल्लामा एउटा अस्पतालबाट भागेका कोरोनाभाइरस सङक्रमित एकजना नेपाली फेला परेका छन्।

धार्मिक गतिविधि आदानप्रदानका लागि तबलीगी जमाती समूहसँग भारत गएका उनी सुनसरीस्थित भोक्राहाका भएको भारतीय प्रहरीले जनाएको छ।

शुक्रवार उनमा कोरोनाको संक्रमण देखिएको पुष्टि भएपछि उनलाई उत्तर प्रदेशको खेकडास्थित लेभल वान अस्पतालमा भर्ना गरिएको थियो।

तर सोमबार राती अस्पतालको झ्यालको सिसा फुटाएर उनी भागेको भन्दै उनलाई खोज्न सघाउन बागपतस्थित प्रहरीले सार्वजनिक सूचना जारी गरेको थियो।

बागपतका प्रहरी सुपरिन्टेन्डेन्ट प्रताप गोपेन्द्र यादवका अनुसार ६५ वर्षका ती व्यक्तिलाई एक्ल्याएर कोरोनाको उपचार गरिनेछ।

‘हामीलाई चिकित्सकहरूले दिएको जानकारी अनुसार उनको स्वास्थ्य अवस्था ७० प्रतिशत ठीक छ। तर तनाव वा अरू कारणले उनी भागेका हुन सक्छन्,’उनले भने।


 

प्रकाशित मिति: Apr 07, 2020 16:02:36

प्रतिक्रिया दिनुहोस

सबै