वाट्फोर्डका डिफेन्टर मारियापालाई कोरोना संक्रमण

वाट्फोर्डका डिफेन्टर मारियापालाई कोरोना संक्रमण

इंग्लिस प्रिमियर लिग क्लब वाट्फोर्डका डिफेन्टर एड्रियन मारियापालाई कोरोना भाइरसको संक्रमण पुष्टि भएको छ। 

प्रिमियर लिगका २० क्लबका मध्ये ६ जनामा कोरोना भाइरसको संक्रमण भएको मंगलबार बताइएको थियो। मासियापाले क्लबका तीन संक्रमित मध्ये आफू एक रहेको बुधबार बताएका छन्।

वाट्फोर्डका अरु दुई कर्मचारी पनि संक्रमित छन्। यस्तै बर्नलीका सहायक प्रशिक्षक इयान वोएन पनि संक्रमित भएका छन्। अरु क्लबका दुईजनाको नाम भने खुलाइएको छैन।

चेल्सीका एन’गोलो कान्टेले कोरोना भाइरसको संक्रमण हुन सक्ने त्रासका कारण प्रशिक्षणमा उपस्थित भएनन्। प्रशिक्षक फ्र्याक लाम्पार्डले उनलाई घरमै प्रशिक्षण गर्न स्वीकृति दिएका छन्। वाट्फोर्डका कप्तान ट्रोय डीनी र टिमका अरु खेलाडीहरुले पनि घरमै प्रशिक्षण गरिरहेका छन्।

कोरोना भाइरसको संक्रमणका कारण गएको मार्च १३ देखि रोकिएको प्रिमियर लिगका बाँकी ९२ खेल पूरा गर्नका लागि अहिले तयारी तीव्र पारिएको छ। हाल खेलाडीहरुलाई सानो समूहमा प्रशिक्षण गर्न अनुमति दिइएको छ।

प्रकाशित मिति: May 21, 2020 06:21:46

प्रतिक्रिया दिनुहोस

सबै