कोरोना संकटका कारण सरकारले आगामी वर्षका लागि विनियोज गरेको बजेटमा अधिकांश क्षेत्रको बजेट कटौती गरेपनि स्वास्थ्य र रेल क्षेत्रको बजेट बृद्धि गरेको छ । सरकारले रेल्वे क्षेत्रमा अघिल्लो बर्षको भन्दा १ अर्ब रुपैयाँ बढी बजेट थपेको छ । रेल सेवा विस्तारका लागि राष्ट्रिय गौरवको आयोजनाअन्तरगत राखेर पूर्वपश्चिम विद्युतीय रेलमार्गको काम अघि बढिरहेको छ । रेल विभागले अहिले यो रेलमार्ग अन्र्तगत झापाको काँकडभिट्टादेखि सुनसरीको इनरुवासम्म १ सय ६ किलोमिटर खण्डमा काम अघि बढाउन थालेको छ । नेपालको समग्र रेलसेवा विस्तारका लागि सरकारले अहिले के गरिरहेको छ त ? यीनै विभिन्न विषयमा केन्द्रीत रहेर हामीले रेल सेवा विभागका महानिर्देशक बलराम मिश्रसँग कुराकानी गरेका छौँ । प्रस्तुत छ रातोपाटी संवाददाता शम्भु दंगालले गरेको यो कुराकानी:

अहिले कोरोना भाइरसको संक्रमण बढिरहेको बेला रेल विभागको काम कसरी अघि बढिरहेको छ ?

रेल विभाग एकदमै व्यस्त छ, लकडाउनका बेला पनि सरकारले वैशाख २० पछि काम अगाडी बढाउने निर्णय गर्यो । त्यसपछि हाम्रो सबै साइटको काम भइराखेको छ । जयनगर–जनकपुर–कुर्था–विजलपुरा र बर्दिवासदेखि निजगढसम्मको ट्रयाकबेल्ट पुलहरुको सबै काम भइराखेको छ । यो बीचमा बिराटनगरमा रोकिएको कामहरु पनि सुरु गर्न भनेका छौँ । यसका साथै कोरोना संक्रमणले अध्ययनको काममा थोरै प्रभाव प¥यो । चिनियाँ कम्पनीले मेट्रो रेलको अध्ययनको टेन्डर पाएको थियो, उनीहरु यहाँ आउन पाएका छैनन् । निजगढदेखि लिएर तम्सुरीयासम्मको डिपिआर अध्ययनको अर्को काम थियो । यो हेटौँडा हुँदै चितवन पुग्छ । यसको पनि काम शुरु भएपनि अहिले रोकिएको छ । अरु निर्माण कार्यहरु भने सुचारु नै छन् ।