खोटाङको एउटा स्कुल, जहाँ विद्यार्थीले पढाईसँगै सय सीप सिक्छन् !

खोटाङको एउटा स्कुल, जहाँ विद्यार्थीले पढाईसँगै सय सीप सिक्छन् !

मधु राई

कोभिड–१९ को संक्रमणबाट बच्न नेपालसहित विश्वका धेरै मुलुकले बन्दाबन्दी घोषणा गरे। बन्दाबन्दी शुरू भएयता शैक्षिक संस्थालगायत सबै आर्थिक गतिविधि बन्द भए। नेपालसहितका कतिपय मुलुकमा भने केही सातादेखि विस्तारै बन्दाबन्दी खुकुलो हुँदै गए पनि शैक्षिक संस्थाहरू खुल्ने अझै निश्चित भइसकेको छैन।

नेपालको पूर्वी जिल्ला खोटाङको दिक्तेलस्थित जनजागृति आधारभूत आवासीय विद्यालयलाई भने लकडाउनले प्रभाव पारेन। उक्त विद्यालय दुई दशक अघिदेखि शुभम् फाउन्डेशनले सञ्चालन गर्दै आएको छ।

फाउण्डेशनका संस्थापक कृषिविज्ञ मदन राई भन्छन्, “विद्यालय विभिन्न जातजाति र धर्मका विद्यार्थीलाई सैद्धान्तिक शिक्षाभन्दा व्यावहारिक सीप सिकाउने उद्देश्यले स्थापना गरिएको हो।”

उक्त सामुदायिक विद्यालयमा अहिले ४० जिल्लाका १५० जना विद्यार्थी अध्ययन गरिरहेका छन्। संस्थापक राई साबिकभन्दा बन्दाबन्दी शुरू भएयता धेरै काम गर्न भ्याइएको बताउँछन्। उनका अनुसार यस विद्यालयमा उमेर अनुसारको सीप सिकाउने गरिन्छ। एसईई परीक्षा दिने वेलासम्ममा हरेक विद्यार्थीले १०० वटा जीवनोपयोगी सीप सिकिसकेका हुन्छन्।

प्रकाशित मिति: Jul 09, 2020 07:47:24

प्रतिक्रिया दिनुहोस