आमा!
मलाई न्याय चाहिन्छ!!
मेरो के कसुर थियो र
मलाई यसरी मारे?
मलाई न्याय चाहिन्छ आमा!
म स्कुलबाट
घर फर्किँदै थिएँ
पानी परिरहेको थियोे
सुनसान बाटोमा
एक्ली देखेर
जबरजस्ती गाडीमा चढाएर लगे आमा!
मेरो कपाल समातेर घिसार्दै
जङ्गलतिर लगे आमा!
मलाई न्याय चाहिन्छ आमा!
मेरो मुख थुने मेरा हात बाँधे
मेरा कपडा च्यातिदिए आमा! म रोएँ कराएँ कसैले सुनेनन्
गिद्धले मासु लुछेझैँ मलाई लुछे चिथोरे आमा!
मेरो शरीरबाट रगतको खोला बग्यो
मलाई न्याय चाहिन्छ आमा!
मानवको रूपमा दानव रहेछ
म जीवित नै थिएँ
तर पनि मलाई
घाँटीमा पाशो लगाएर मारिदिए
आमा! मलाई न्याय चाहिन्छ...
