(१)
नचाहँदा नचाहँदै पनि भेट हुँदो रैछ
जिन्दगीको गोरेटोमा आफै सेट हुँदो रैछ
किन लिनुपर्यो चिन्ता लेखान्तको भर परेसि
उहींबाटनै खटिएको वेटिंग डेट हुँदो रैछ ।
(२)
आँटेका त थिए उनले ऊँचो पहाड चढ्छु भन्ने
कसम पनि खाएका थे जिन्दगीसंग लड्छु भन्ने
तर उनी पूर्व हुँदा भाग्य लाग्यो पश्चिम तिर
धोको बग्यो खोलैखोला रह्यो तिर्खा पढ्छु भन्ने ।
(३)
एकान्तमा लाग्नेरैछ कहालीलाग्दो एक्लोपन
जस्तै डढेलोले सबै खाइसकेको रित्तो वन
तब भन्नेगर्छन् कोही रोज्न एउटा जीवनसाथी
जसले दिनसक्ला मायालुलाई आफ्नो चोखो मन ।
(४)
नौका बन्छ हेर साथी ठूलै काठ खोपेर
फलको आशा गरे हुन्छ पहिला बीजा रोपेर
बुझीराख्न पर्छ हेर कहिले कहाँ के गर्ने
सबै काम गर्नपर्छ मौकालाई छोपेर ।
