कोरोनाको उपचार गरिरहेका महाराष्ट्रका पूर्वमुख्यमन्त्री पाटिलको निधन

बिएल संवाददाता

मुम्बई

• • •

कोरोना भाइरसबाट लडिरहेका कांग्रेसका वरिष्ठ नेता तथा महाराष्ट्रका पूर्वमुख्यमन्त्री शिवाजीराव पाटिल निलंगेकरको निधन भएको छ।

महाराष्ट्रको पूणेस्थित घरमा बुधबार उनको निधन भएको हो। उनी ८८ वर्षका थिए। दुई दिनअघि कोरोनाको रिपोर्ट नेगेटिभ आएपछि उनलाई अस्पतालबाट निकालिएको थियो।

१६ जुलाईमा भएको परीक्षणमा उनको कारोना रिपोर्ट पोजिटिभ आएको थियो। उपचारका लागि उनलाई लातुर जिल्लाबाट करिब ३२० किलोमिटर टाढा पूणे अस्पतालमा भर्ना गरिएको थियो।

स्वास्थ्य भएको रिपोर्ट सार्वजनिक भएपछि अस्पतालबाट निकालिएका पाटिलको निधनले सबैलाई चकित तुल्याएको छ।

उनी १९८५–८६ मा मुख्यमन्त्री नियुक्त भएका थिए। उनी शक्तिशाली सहकारी नेताको रूपमा परिचित थिए। उनको नाति संभाजी पाटिल बिजेपीको देवेन्द्र फडनवीस सरकारमा श्रम मन्त्री थिए।

• • •