बुर्ज खलिफामा नेपाली राष्ट्रिय झण्डा फहराइयो

यूएईको दुबईस्थित बुर्ज खलिफामा शनिबार संविधान दिवसको अवसर पारेर नेपालको राष्ट्रिय झण्डा झलमल पारिएको छ। विश्वकै सबैभन्दा अग्लो टावरका रुपमा चर्चित बुर्ज खलिफामा नेपाली समयअनुसरा रातको १० बजे लाइटिङको माध्यमबाट नेपाली झण्डा फहराइएको हो।

अबुधावीस्थित नेपाली दूतावासको समन्वयमा नेपाली झण्डा झिलिमिली पारिएको हो।

नेपालको मौजुदा संविधान २०७२ असोज ३ गते घोषणा गरिएको अवसरमा संविधान दिवस मनाइएको हो। छैटौं संविधान दिवसका अवसरमा राजधानी काठमाडौंमा विशेष कार्यक्रमको आयोजना गरियो भने विदेशस्थित कूटनीतिक नियोगमहरुमा पनि संविधान दिवस मनाइएको छ।

प्रकाशित मिति: : 2020-09-19 23:20:33

प्रतिक्रिया दिनुहोस

सबै