बलिउडका केही चर्चित हस्तीले सुशांत सिंह राजपूतको आत्महत्याको विषयलाई लिएर गैरजिम्मेदार रिपोर्टिङ गरेको भन्दै केही सञ्चारगृहविरूद्ध मुद्दा दायर गरेका छन् ।
दिल्ली उच्च अदालतमा मुद्दा दायर गर्नेमा फिल्म उद्योगको प्रतिनिधित्व गर्ने चार संगठन और ३४ जना निर्माता रहेका छन् ।
मुद्दामा रिपब्लिक टिभी, अर्णव गोस्वामी, रिपब्लिक टिभीका प्रदीप भण्डारी, टाइम्स नाउ, राहुल शिवशंकर र नविका कुमारलाई विपक्षी बनाइएको छ ।
उनीहरुले बलिउड र बलिउडका कलाकारविरुद्ध हुने अपमानजनक और गैर ज़िम्मेदार टिकाटिप्पणी रोक्नका लागि मु्द्दा हाल्नुपरेको उल्लेख गरेका छन् ।
मुद्दामा बलिउडमा काम गर्ने व्यक्ति र उनीहरुको गोपनियताको अधिकारमा दखल नदिन र मिडिया ट्रायलमा रोक लगाउन माम गरिएको छ । उनीहरुले बलिउडमाथि प्रयोग भएका आपत्तिजनक कुराहरु फिर्ता लिन माग समेत उनीहरुले गरेका छन् ।
निवेदनमा टेलिभिजन च्यानलका साथै सामाजिक सञ्जालमा बलिउडका बारेमा अपमानजनक सामाग्रीको प्रकाशनमा रोक लगाउन माग गरिएको छ ।
