आईपीएलमा रोयल च्यालेन्जर्स बैंगलोरले लगातार जित निकालेको छ।
बुधबार राति भएको खेलमा बैंगलोरले सनराइजर्स हैदरावादलाई ६ रनले पराजित गर्यो। बैंगलोरले दिएको १ सय ५० रनको लक्ष्य पछ्याएको हैदरावादले २० ओभरमा ९ विकेट गुमाएर १ सय ४३ रन मात्र बनायो।
हैदरावादका लागि कप्तान डेभिड वार्नरले ५४ रनको अर्धशतकीय इनिङ्स खेलेपनि टिमलाई जिताउन सकेका थिएनन्। यस अघि टस हारेर पहिले ब्याटिङ गरेको बैंगलोरले २० ओभरमा ८ विकेट गुमाएर १ सय ४९ रन बनाएको थियो।
जितसँगै बैंगलोर लिगको शीर्ष स्थानमा उक्लिएको छ ।
