नेपालद्वारा युएईसामु २ सय ४९ रनको लक्ष्य प्रस्तुत

बिएल संवाददाता

काठमाडौं

• • •

काठमाडाैँमा जारी आइसीसी विश्वकप लिग– २ काे अन्तिम श्रंखलाअन्तर्गत खेलमा नेपालले युएईलाई २ सय ४९ रनको लक्ष्य दिएको छ। आइतबार त्रिवि मैदानमा जारी खेलमा नेपालले ४९.२ ओभरमा अलआउट हुँदै २ सय ४८ रन बनायाे।

नेपालका लागि कप्तान रोहित पौडलले ७७ रनकाे अर्धशतकीय इनिङ खेले। भने, आरिफ शेख ४३ रन बनाएर आउट भए।

त्यसैगरी गुलशन झाले ३७, दीपेन्द्र सिंह ऐरी ३४ तथा भीम सार्कीले २९ रन बनाए।

युएईका लागि जाहोर फरिद, जाहोर खान, रोहन मुस्ताफा र आयान खानले समान २/२ तथा आर्यान लाक्रा र जुनेद सिद्धिकीले समान १/१ विकेट लिए।

एकदिवसीय अन्तर्राष्ट्रिय विश्वकपमा छनाेट हुन र एकदिवसीय मान्यता कायम गर्नकाे लागि नेपालले याे खेल जित्नुपर्नेछ।

नेपालले याे खेल जिते आजै एकदिवसीय मान्यता कायम राख्ने छ।

• • •