जाजरकोटको भेरी नरपालिका–१ रावत गाउँ हुँदै डोल्पासम्म हुँइकिने सडकमा एक्कासि एउटा कार रोकियो । कारबाट २ जना अधबैँसे युवाहरू झरे । काँधमा विदेशबाट आउँदा ल्याउने लगेज थियो ।
भूकम्पले परिवारै गुमेपछि भेरी नगरपालिका–१ का उदय कामी र उनका भाइ मनोजबहादुर विक दाहसंस्कारका लागि घर फर्किएका रहेछन् । अगाडि एक जना सहयोगीले लगेज बोकेर हिँडेका थिए । उदय र मनोज पछिपछि उकालो लागे ।
बाटो पहिलाभन्दा धेरै बिग्रेको थियो । आफन्तहरूको अवस्थाबारे सोध्दै थिए । सडकबाट करिब १५ मिनेटको दुरीमा रहको उनको घर पुग्नेवित्तिकै रूवाबासी सुरु भयो ।
