मल्टिस्टारर फिल्म ‘कार्साङ’लाई बुधबार बेलुका भव्य प्रिमियर गरिएको छ। कमलपोखरीस्थित बिग मूभिजमा प्रिमियर गरिएको हो।

प्रिमियर समारोहमा कास्ट एण्ड क्रूसहित फिल्मकर्मी, मिडिया र शेर्पा समुदायको सहभागिता थियो। प्रिमियरमा जितु नेपाल, दीया मास्के, डेब्यु अभिनेत्री सिर्जना निङलेखुलगायतको उपस्थिती थियो। दीया र सिर्जनाले शेर्पा पोशाकमा सौन्दर्य छरेका थिए।

शेर्पा समुदायको पोशाकमा समुदायका व्यक्तिहरू पनि त्यहाँ थिए। उनीहरूले उक्त समुदायको झाँकी र बाजा प्रस्तुत गरेका थिए। 

यार्सा फिल्मस् र पुरुषोत्तम प्रधान फिल्मसको प्रस्तुतिमा बनेको यो फिल्मका निर्माता छायांकारसमेत रहेका पुरुषोत्तम प्रधान हुन्। सह–निर्मातामा गोविन्द बोहरा छन्। कार्यकारी निर्माताको रूपमा आङछिरिङ शेर्पाले काम गरेका छन्।

हलहरूले फिल्मलाई सुखद् शो दिँदै अग्रिम टिकट बुकिङ खुलाइसकेका छन्। यो फिल्म शुक्रबारदेखि देशव्यापी १३० शोसहित प्रदर्शनको तयारीमा छ।