एमालेका ५९ जना नेता-कार्यकर्ताले डा. भीम रावल नेतृत्वको मातृभूमि जागरण अभियानलाई समर्थन गर्ने घोषणा गरेका छन्।

उनीहरूले संयुक्त विज्ञप्ति निकालेर रावलको साथ रोजेको जानकारी गराएका हुन्। विज्ञप्तिमा नेकपा एमाले केन्द्रीय पर्यटन विभाग सदस्य रमेश बहादुर कुँवर, नेकपा एमाले सुदूरपश्चिम प्रदेश कमिटी सदस्यहरू चक्र रावल, जंग विक, केशर मियाँ, निर्मला रावललगायतको नाम छ।

त्यस्तै एमाले सचिवालय सदस्यहरू सागरसिंह बाब्ली, प्रेम खत्री, मानबहादुर गिरी, डबल ठकुल्ला, सुरेन्द्र शाहीलगायत पनि भीम रावलको अभियानमा सामेल भएका छन्।

उनीहरूले भीम रावलको योग्यता अपहरण गर्ने के.पी. ओलीको सत्ता उन्मादी र अत्याचारपूर्ण निर्णयको देशव्यापी रुपमा निन्दा गर्नु पर्ने बताएका छन्।

‘सिद्धान्त र जनताको बहुदलीय जनवादलाई समाप्त गरी एमाले बामाले बा मात्र लेख्ने कम्पनीमा परिणत गरिएको छ, सिद्धान्त, कार्यक्रम र नीतिबाट च्युत गरिएको छ । समाजवाद त टाढाको कुरा भयो, देशभक्ति र जनताप्रतिको प्रतिवद्धता समेत नष्ट गरिएको छ,’ विज्ञप्तिमा भनिएको छ, ‘कम्युनिष्ट र समाजवादका विरोधीहरूसग घाँटी जोड्दै पार्टीलाई सिद्धान्तहीन, आदर्शहीन र गन्तव्यहीन यात्रामा धकेल्ने केपी ओली गुटको नेतृत्वमा इमान्दार र देशभक्त सदस्यहरूले बसिरहनुको कुनै औचित्य छैन।’

भीम रावलको अभियानमा सामेल एमाले सदस्यहरूको नामावलीः