काठमाडौँको रोयल थाई दूतावासले ‘थाई फिल्म फेस्टिबल नेपाल २०२४’ आयोजना गर्ने भएको छ।

दूतावासले छाया सेन्टर क्यु एफएक्समा ३० अगस्टदेखि १ सेप्टेम्बरमा थाई फिल्म फेस्टिबल नेपाल २०२४ आयोजना गर्ने भएको हो।

यो फिल्म फेस्टिबल चौथो फिल्म फेस्टिबल हुने काठमाडौँस्थित थाई दूतावासले जनाएको छ। यसअघि थाई फिल्म फेस्टिबल २०१३ मा आयोजना गरिएको थियो।

यो वर्ष नेपाल र थाइल्याण्डबीचको कूटनीतिक सम्बन्धको ६५ वर्ष पूरा भएको छ। लामो समयको सम्बन्धलाई मनाउन र फिल्मको विश्वव्यापी भाषा मार्फत थाई र नेपाली जनतालाई जोड्न थाई दूतावासले नेपालमा थाई फिल्म फेस्टिभल आयोजना गर्न लागेको हो।

यस फेस्टिभलले चलचित्रमा फरक फरक प्रशंसित र पुरस्कार विजेता थाई चलचित्रहरु नाटकदेखि कमेडी, रोमान्स, हरर, र मुवय थाईका चलचित्रहरू प्रदर्शन गर्नेछ।

छाया सेन्टर क्यु एफएक्स अगाडि चलचित्र सुरु हुनुअघि टिकटहरू निःशुल्क वितरण गरिने पनि दूतावासले जनाएको छ।