नेपाली मूलका उद्यमीले स्थापित गरेको प्रविधि कम्पनी अमेरिकी स्टक मार्केटमा सूचीकृत भएको छ। कृत्रिम वौद्धिकता (एआई) क्षेत्रमा काम गर्दै आएको कम्पनी ‘फ्यूज मेसिन’ अमेरिकी स्टक एक्सचेन्च नास्डाकमा सूचीकृत भएको हो।

यसका संस्थापक तथा कार्यकारी अधिकृत नेपाली मूलका डा. समीर मास्के हुन्। नेपाललगायत विभिन्न देशमा समेत कार्यालय रहेको यो कम्पनीलाई नास्डाकले स्टक मार्केटमा ‘फ्यूज’ सिम्बोल दिएको छ। साधारण कारोबार बिहीबारदेखि नै सुरु भइसकेको छ।

‘एआईलाई सबैका लागि लोकतान्त्रिक’ बनाउने मिसनको नयाँ अध्याय सुरुवात भएको भन्दै कम्पनीले यसलाई नेपाली नवप्रवर्तनको यात्रामा ‘कोशेढुङ्गा’ सावित भएको जनाएको छ।

सन् २०१३ मा स्थापित भएको फ्यूज मेसिनले स्वास्थ्य, अर्थ, उत्पादन तथा सरकारी सेवा क्षेत्रलाई प्रविधिसँग जोड्नका लागि सेवा दिँदै आएको छ।

यस संस्थाका संस्थापक कोलम्बिया विश्वविद्यालयका एसोसियट प्रोफेसरसमेत हुन्। डा. मास्के काठमाडौं जन्मिएका गैरआवासीय अमेरिकी हुन्।