जेनजी आन्दोलनबाट उदाएका युवा नेता रविकिरण हमाललाई राष्ट्रिय प्रजातन्त्र पार्टी (राप्रपा)ले सुर्खेत–१ बाट प्रतिनिधिसभा सदस्यका लागि सिफारिस गरेको छ।

राप्रपाले हमाललाई आगामी प्रतिनिधिसभा निर्वाचनका लागि उम्मेदवारको रूपमा सिफारिस गर्दै पार्टीभित्र उदाउँदै गरेका युवामध्ये एक प्रभावशाली र सम्भावना बोकेको नेताका रूपमा मूल्यांकन गरेको जनाएको छ।

बेथिती, कुशासन र भ्रष्टाचारविरुद्ध निरन्तर आवाज उठाउँदै आएका हमाल पछिल्लो समय जेनजी आन्दोलनमा अग्रणी भूमिकामा देखिएका थिए। युवाहरूको राजनीतिक चेतना र सहभागिता विस्तारमा जेनजी आन्दोलनले खेलेको भूमिकासँगै हमालको राजनीतिक उचाइ पनि उल्लेखनीय रूपमा बढेको विश्लेषण गरिएको छ।

राजनीतिशास्त्रमा स्नातकोत्तर अध्ययन गरेका हमाल वैचारिक स्पष्टता र सार्वजनिक बहसमा सशक्त उपस्थितिका कारण चिनिएका युवा नेता हुन्। उनको सिफारिसलाई सुर्खेतमा नयाँ पुस्ताको राजनीतिक प्रतिनिधित्वको संकेतका रूपमा हेरिएको छ।

विगत तीन दशकदेखि निर्वाचित हुँदै आएका नेपाली काङ्ग्रेसका कार्यवाहक सभापति पूर्णबहादुर खड्कालाई टक्कर दिने गरी उनी चुनावी मैदानमा आउनेछन्।

पुस्तान्तरणको बहस तीव्र रुपमा अगाडि बढेको र युवा नेताको रूपमा राष्ट्रिय पहिचान बनाएका रविकिरणले यसपाली सुर्खेत-१ मा बलियो राजनीतिक पकट जमाउने सम्भावना देखिएको छ।