झापा–५ बाट उम्मेदवारी दिएका रास्वपा वरिष्ठ नेता बालेन साह ५ दिन पूर्वी नेपालको भ्रमण गरेर काठमाडौं फर्किएका छन्।

काठमाडौं महानगरपालिकाको मेयरबाट राजीनामा दिएर जनकपुर हुँदै पूर्वका जिल्ला पुगेका रास्वपा वरिष्ठ नेता बालेन शाह काठमाडौं फर्किएका छन् ।

शनिबार अपराह्न इटहरी पुगेका बालेन त्यहाँबाट विमानमार्फत काठमाडौं फर्किएका हुन्।

गत ४ माघमा काठमाडौं महानगरपालिकाको मेयर पदबाट राजीनामा दिएर रास्वपा केन्द्रीय कार्यालयमा वरिष्ठ नेताको पदबहाली गरेका बालेन सोही दिन जनकपुर पुगेका थिए।

माघ ५ गते जनकपुरमा आयोजित विशाल सभालाई सम्बोधन गरेर सोझै झापा हानिएका उनले ६ गते झापा–५ बाट प्रतिनिधि सभा सदस्यका लागि उम्मेदवारी दर्ता गराएका थिए।

त्यसपछि उनी पूर्वी नेपालका इलाम, ताप्लेजुङ, पाँचथर र तेह्रथुमका विभिन्न क्षेत्रमा पुगेर रास्वपा उम्मेदवारहरूलाई भोट माग्दै शनिबार बिहान धनकुटा आइपुगेका थिए।

धनकुटाबाट इटहरी पुगेका उनी त्यहाँबाट काठमाडौं फर्किएका हुन्।