प्रगतिशिल लोकतान्त्रिक पार्टी (प्रलोपा)बाट रुपन्देही–३ मा प्रतिनिधिसभा सदस्य उम्मेदवार बनेका गोविन्द काराखेतीलाई पार्टीबाट निष्कासित गरेको छ।

प्रलोपा रुपन्देही इन्चार्ज पंकज राईले शुक्रबार विज्ञप्ति निकालेर काराखेतीले पार्टीको नीति, सिद्धान्त र विधानको गम्भीर उल्लंघन गरेको पुष्टि भएपछि पार्टीबाट निष्कासन गरिएको उल्लेख गरेका छन्। पार्टी हित विपरीतका व्यक्तिवादी गतिविधिमा संलग्न भएको उनीमाथि आरोप लगाइएको छ।

उम्मेदवार बनेपछि पार्टीका नेताहरूसँग रकम मागेको र आफ्नै श्रीमती जयन्ता काराखेतीलाई श्रम संस्कृति पार्टीबाट समानुपातिक उम्मेदवार बनाएको पाइएकाले निष्कासन गरिएको विज्ञप्तिमा उल्लेख छ।

काराखेतीलाई निष्कासन गरेपछि रुपन्देही–३ मा पार्टीको उम्मेदवार नहुने भएकाले अब कसलाई समर्थन गर्ने वा के गर्ने भन्ने विषयमा पार्टीको वैठकले छिट्टै निर्णय गर्ने बताइएको छ।