सर्वोच्च अदालतले विवादास्पद मेडिकल व्यवसायी तथा राजावादी अभियन्ता दुर्गा प्रसाईंलाई रिहा गर्न आदेश दिएको छ।

न्यायाधीश डा. मनोजकुमार शर्मा र मेघराज पोखरेलको संयुक्त इजलासले मंगलबार साँझ प्रसाईंको पक्षमा रिट जारी गरेको सर्वोच्चका सुचना अधिकारी निराजन पाण्डेले जानकारी दिए।

प्रसाईंलाई गत फागुन ४ गते भक्तपुरबाट प्रहरीले प्रकाउ गरेको थियो। निर्वाचन विरोधी गतिविधिमा संलग्न भएको आरोपमा प्रहरीले निर्वाचन आयोगको अनुरोधमा प्रसाईंलाई पक्राउ गरेको थियो।

यसअघि पनि उनी निर्वाचन विरोधी गतिविधिमा लागेको आरोपमा प्रहरीले  दुईपटक पक्राउ गरिसकेको थियो। यसअघि माघ २३ मा पनि पक्राउ परेका प्रसाईं हाजिर जमानीमा छुटेका थिए। त्यसबेला प्रहरीको साइबर ब्यूरोले बयान लिएर छाडेको थियो।

त्यसअघि माघ ५ मा पनि पोखराबाट पक्राउ परेका प्रसाईंसँग प्रहरीले बयान लिएर छाडेको थियो।