बिहीबार ५ बजे सम्पन्न प्रतिनिधि सभा निर्वाचनमा झापामा मा ६५ प्रतिशत मतदान भएको प्रारम्भिक अनुमान गरिएको छ।

जिल्ला निर्वाचन कार्यालय झापाका अनुसार जिल्लाका विभिन्न मतदान केन्द्रहरूबाट प्राप्त प्रारम्भिक विवरणका आधारमा जिल्लाभर करिब ६५ प्रतिशतभन्दा बढी मतदान भएको प्रारम्भिक अनुमान गरिएको हो।

झापा क्षेत्र नं. ५ मा औसतभन्दा केही बढी मतदान भएको पाइएको उनले बताए। त्यहाँ ७० प्रतिशत हाराहारी मतदान भएको अनुमान छ। सो क्षेत्र पूर्वप्रधानमन्त्री एवं एमाले अध्यक्ष केपी ओली र रास्वपा वरिष्ठ नेता बालेन साह आमनेसामने भएको क्षेत्र हो।

निर्वाचन कार्यालयका अनुसार अहिले जिल्लाका सबै मतदान केन्द्रहरूबाट मतपेटिकाहरू संकलन गर्ने कार्य भइरहेको छ। राति १० बजेसम्म मतपेटिका रुजु गर्ने र सर्वपक्षीय बैठक राखेर आजै रातिबाट मतगणना सुरु गर्ने तयारी गरिएको निर्वाचन कार्यालयले जनाएको छ।