नेकपाका संयोजक पुष्पकमल दाहाल 'प्रचण्ड' रूकुम पूर्वबाट विजयी भएका छन् । कूल खसेको १९,१८८ मतमध्ये प्रचण्डले १०,२४० मत प्राप्त गरे । उनले निकटतम प्रतिस्पर्धी एमालेका लीलामणि गौतमको भन्दा तीन गुणा बढी मत प्राप्त गथरे ।

दोस्रो स्थानमा रहेका एमालेका गौतमले ३,४६२ मत पाए भने कांग्रेसका कुसुम देवी थापाले  ३,०८१ मत प्राप्त गथरी तेस्रो स्थान हासिल गरिन् ।

देशभरी लहर आएको रास्वपामा लखनकुमार थापाले ८१९ मतसहित चौथो स्थानमै चित्त बुझाउनु पर्यो । 

हरेक पटक सुरक्षित क्षेत्र खोज्दै राजनीतिक शाख जोगाइरहेका प्रचण्ड यसपटक पनि रूकुम पूर्व पुगेर मात्रै जोगिएका हुन् । अन्यथा उनी पनि बालेन बेगबाट बच्न सक्ने थिएनन् ।

सम्भवत: प्रचण्ड मात्रै यसपटक संसद छिर्ने पुराना दलका एक मात्र शीर्ष नेता हुनेछन् ।

उनी यसअघि  २०७९ को निर्वाचनमा गोरखा २ बाट विजयी भएका थिए ।