सुशासनको लागि भएको जेनजी आन्दोलनको उत्तराधिकारी बनेको रास्वपा कालो सूचीवालाको पार्टी पनि देखिएको छ ।अहिलेसम्म यो पार्टीमा कालोसूचीमा चढेका तीनजना सांसद उम्मेद्वारको नाम सार्वजनिक भैसकेको छ । खोेज्दै जाँदा समयक्रममा अरू कति थपिने हुन्,  त्यो त समयकै गर्भमा छ । 

धनुषा १ का रास्वपा उम्मेद्वार किशोरी साह 'कमल' कालोसूचीवाला भन्ने चुनाव अघि नै थाहा भयो, त्यसैले उनको उम्मेद्वारी नै खारेज भयो । उनी तलै अड्के, संसद छिर्नै पाएनन् । उम्मेद्वारी खारेजविरूद्ध अदालत पुगेका साहको मुद्दा अहिले पनि अदालतमा विचाराधीन छ । अदालतमा विचराधीन रहेकोले मुद्दाका बारेमा बोल्नै मिल्दैन ।

तर, दुईजना कालोसूचीवाला उम्मेद्वार भने भाग्यमाानी सावित भए । चुनावअघि  कर्तुत सार्वजनिक नभएकाले उनीहरू रास्वपा माननीय भए। त्यस्ता कालोसूचीवालाहरू हुन् सर्लाही ३ का नरेन्द्र साह कलवार र उदयपुर २ का सूर्यबहादुर तामाङ । 

उम्मेद्वारी खारेज भएका साह कमल निर्माण सेवा प्रालिका सञ्चालक हुन् । बैंक तथा वित्तीय संस्था सम्बन्धी दायित्व पूरा नगरेको कारण उनी कालोसूचीमा चढेका हुन्।

नवनिर्वाचित रास्वपा माननीय कलवारको नाम कर्जा सूचना केन्द्रको कालोसूचीमा देखिन्छ । उनको कालोसूचीको क्रम संख्या १४४०६२ हो । नरेश साह कलवार मात्र लेखिएको अभिलेखमा उनको  नामबाहेक परिचय खुल्ने अन्य विवरण उपलब्ध छैनन् । 

अर्का नवनिर्वाचित रास्वपा माननीय तामाङ मकालु कान्जिरुवा अटो लिंक प्रालिका सञ्चालक हुन् । उनले दिएको चेक बाउन्स भएपछि  कालो सूचीमा चढेका राईको कालो सूची क्रमसंख्या १०१,५१४ हो । 

सुशासनको ठूलो वकालत गर्दै आएको रास्वपाका लागि कालोसूची पहिलो गाँसमै झिँगा भएको छ । यसले पार्टीका वाचाल नेता तथा प्रवक्ताकै बोल्ती बन्द भएको छ ।