बिएल संवाददाता
प्रतिनिधि सभामा नवनिर्वाचित सदस्य महावीर पुनमाथि किताब बेचिरहेको बेला दुर्व्यवहार गर्ने एकजना पक्राउ परेका छन्।
पक्राउ पर्नेमा कास्की पोखरा महानगरपालिका वडा नं. १३ बाँझापाटन बस्ने ४३ वर्षका विकास गुरुङ छन्।
जिल्ला प्रहरी कार्यालय कास्कीबाट खटिएको प्रहरी टोलीले वडा नम्बर ९ महेन्द्रपुलबाट गुरुङलाई पक्राउ गरेको डीएसपी हरिबहादुर बस्नेतले बताए।
म्याग्दीबाट निर्वाचित सांसद पुनमाथि पोखराको पृथ्वीचोकमा किताब बेचिरहेका बेला ती पुरुषले अभद्र व्यवहार गरेको भिडियो सामाजिक सञ्जालमा भाइरल भएको थियो।
प्रहरीका अनुसार गुरुङले लागूऔषध मुद्धामा पटक–पटक सजाय भुक्तान गरेको समेत पाइएको छ। उनीमाथि थप अनुसन्धान प्रक्रिया अगाडि बढाइएको प्रहरीले जनाएको छ।
१ .
२ .
३ .
४ .
५ .
प्रतिक्रिया