गृहमन्त्री सुधन गुरुङले राजीनामा दिएका छन्।

बुधबार प्रधानमन्त्री बालेन्द्र शाहलाई भेटेर गुरुङले राजीनामा दिएका हुन्।

राजीनामा दिँदै गुरुङले आफूसँग सम्बन्धित विषयमा निष्पक्ष छानबिन होस् र पदमा रहँदा स्वार्थको द्वन्द्व नदेखियोस् भनेर आजैका मितिदेखि लागू हुने गरी राजीनामा दिएको बताए।

गुरुङले भनेका छन्, ‘मेरो लागि पदभन्दा ठूलो कुरा नैतिकता हो, र जनविश्वासभन्दा ठूलो शक्ति कुनै हुँदैन। आज देशमा सुशासन, पारदर्शिता र जवाफदेहिताको माग गर्दै उठिरहेको Gen Z  आन्दोलनले पनि यही सन्देश दिएको छ सार्वजनिक जीवन स्वच्छ हुनुपर्छ, नेतृत्व उत्तरदायी हुनुपर्छ।मेरा ४६ जना भाइ बहिनिहरुको रगत र बलिदानी को आडमा बनेको सरकारलाई कसैले प्रश्न गर्छ भने त्यसको जवाफ नैतिकता हो।’

गुरुङले आफ्नो तर्फबाट नैतिक जिम्मेवारी निर्वाह गरेको बताउँदै ‘अब साँच्चै परिवर्तन चाहनेहरूको कहाँ–कहाँ स्वीट शेयर छ बिस्तारै आउला, रामराज्यको चाहना राख्नेहरूले त्याग र नैतिक साहस पनि देखाउन सक्नुपर्छ,’ भनेका छन्।