सभामुख डोलप्रसाद अर्यालले प्रतिनिधिसभाका सचिव हर्कराज राईलाई हटाउने तयारी गरेका छन्।

स्रोतका अनुसार सभामुख अर्यालले राईलाई स्पष्टीकरण सोधेका छन्। राईले सोमबार नै सभामुखलाई स्पष्टीकरण बुझाइसकेका छन्।

सचिव राईलाई हटाएपछि उनको ठाउँमा नयाँ नियुक्तिका लागि सिफारिस गर्न बाटो खुल्नेछ।

संविधानको धारा १०६ को उपधारा १ बमोजिम सभामुखले सचिव पदमा नियुक्त गर्नका लागि सिफारिस गरेपछि राष्ट्रपतिले नियुक्त गर्ने व्यवस्था छ।

लामो समय शिक्षण पेसामा आबद्ध झापाको शिवसताक्षी नगरपालिका–२ का राई एमाले कार्यकर्ता हुन्। उनलाई निवर्तमान सभामुख देवराज घिमिरेको सिफारिसमा राष्ट्रपतिले प्रतिनिधि सभा सचिव नियुक्त गरेका थिए। प्रतिनिधि सभाको निर्वाचनपछि घिमिरेको कार्यकाल सकिएकोले उनले नियुक्त गरेका राईलाई सभामुख अर्यालले पदमुक्त गर्न लागेका हुन्।