त्रिभुवन विश्वविद्यालयका निमित्त उपकुलपति प्राडा. सुशील बज्राचार्यले शिक्षाध्यक्ष र रजिस्ट्रार नियुक्त गरेका छन्।

बज्राचार्यले शिक्षाध्यक्षमा विज्ञान तथा प्रविधि संकायका डिन प्रा.डा. शंकर प्रसाद खनाल र रजिस्ट्रारमा व्यवस्थापन संकायका डिन प्रा.डा. महानन्द चालिसेलाई जिम्मेवारी दिएका हुन्।

विश्वविद्यालयका कुलपति एवं प्रधानमन्त्री बालेन शाहबाट निमित्त उपकुलपतिको जिम्मेवारी पाएका बज्राचार्यले शिक्षाध्यक्ष र रजिस्ट्रारको जिम्मेवारी तोकेका हुन्।

सरकारले अध्यादेशबाट विश्वविद्यालयको उपकुलपतिसहित सबै पदाधिकारी पदमुक्त गरेपछि विश्वविद्यालयहरू पदाधिकारी विहिन बनेका थिए।

त्रिविका तत्कालिन उपकुलपति प्राडा. दीपक अर्याल, शिक्षाध्यक्ष प्राडा. खड्ग केसी र रजिस्ट्रार प्राडा. केदारप्रसाद रिजालले भने अध्यादेशको चर्चाकै बीच राजीनामा दिएका थिए।

नयाँ उपकुलपति नियुक्तिको प्रक्रिया सुरु भइसकेको छ। सिफारिस समितिले उपकुलपतिका लागि आवेदन माग गरिसकेको छ।