राष्ट्रिय स्वतन्त्र पार्टी (रास्वपा)को महाविधेशनको दोस्रो दिन बन्दसत्र सुरु हुन ढिलाइ भएको छ।

बिहान साढे ८ बजेबाट सुरु हुने भनिएको बन्दसत्र अझै सुरु हुन नसकेको हो। प्रतिनिधि विवादले बन्दसत्रमा ढिलाइ भएको एक केन्द्रीय पदाधिकारीले बताए।

बन्दसत्रमा विवाद भएपछि सभापति रवि लामिछाने र वरिष्ठ नेता तथा प्रधानमन्त्री बालेन्द्र शाह छलफलमा जुटेका छन्।

प्रधानमन्त्री बसिरहेको रिसाेर्ट लटौली स्याङ्चुरीमा बिहानैदेखि दुई नेताबीच छलफल भइरहेको बताइएको छ।

बन्दसत्रमा सभापति रवि लामिछानेले राजनीतिक प्रतिवेदन र प्रस्ताव पेस गर्ने कार्यतालिका रहेको छ। त्यस्तै, अन्य नेताहरूले पनि विभिन्न प्रतिवेदन र प्रस्ताव पेस गर्नेछन्।

पार्टीको सभापति र वरिष्ठ नेताको पदमा सर्वसम्मत नेतृत्व चयन हुने निश्चित भए पनि निर्वाचन हुने बाँकी पदाधिकारी र ९९ केन्द्रीय सदस्य पदमा भने प्रतिस्पर्धा हुने देखिएको छ।