रास्वपा बारा क्षेत्र नम्बर ३ का सभापति भोला कुमार साह कानुले महाधिवेशन प्रतिनिधिको अन्तिम नामावलीमा आफ्नो नाम हटाएको भन्दै गुनासो गरेका छन्।

सामाजिक सञ्जालमार्फत केन्द्रीय सभापति पदका लागि उम्मेदवारी घोषणा गरेपछि पोष्ट गरेपछि आफ्नो नाम नै महाधिवेशन प्रतिनिधिबाट गायब भएको उनको दाबी छ।

सुरुमा प्रतिनिधि सूचीमा आफ्नो नाम समावेश भएपनि अन्तिम नाम प्रकाशित गर्दा आफ्नो नाममा रातो लगाइएको उनले बताए।

उनले बारामा रास्वपाले बर्खास्त गरेका जिल्ला पूर्वसभापति चन्दन स्वर्णकारको पार्टी सदस्यता कायम गर्नका लागि सभापतिमा रवि लामिछानेसँग उम्मेदवार बन्ने भन्दै उनले सामाजिक सञ्जालमार्फत घोषणा गरेका थिए।

यता रास्वपा बाराले भने उनीमाथि केही महिनाअघि नै कारबाही सिफारिस भएको र केन्द्रीय अनुशासन आयोगले कारबाही गरेपछि नाम हटाइएको दाबी गरेको छ।

कानुले किन घोषणा गरे सभापतिमा उम्मेदवारी?