सभामुख डीपी अर्यालले प्रधानमन्त्री बालेन्द्र शाहसँग भेटवार्ता गरेका छन्।

बुधबार प्रधानमन्त्री तथा मन्त्रिपरिषद्‍को कार्यालयमा सभामुख अर्यालले प्रधानमन्त्री शाहसँग भेटवार्ता गरेका हुन्। 

भेटवार्ताका क्रममा प्रतिनिधि सभाको बैठकलाई थप प्रभावकारी, मर्यादित र परिणाममुखी बनाउने विषयमा छलफल भएको सचिवालयले जनाएको छ।

त्यसअघि सभामुखले विभिन्न राजनीतिक दलका नेताहरूसँग भेटवार्ता गरेका थिए। अर्यालले नेकपा एमाले संसदीय दलका नेता रामबहादुर थापासँग, प्रमुख प्रतिपक्षी दलका नेता भिष्मराज आङ्देम्बे, नेपाल कम्युनिस्ट पार्टी (नेकपा)का नेता वर्षमान पुनसँग मंगलबार छुट्टाछुट्टै भेटवार्ता गरेका थिए।

सभामुख अर्यालले मंगलबार नै विभिन्न राजनीतिक दलका प्रमुख सचेतक तथा सचेतकहरूसँग पनि छलफल गरेका थिए।

छलफलमा प्रतिनिधि सभाको कार्य सञ्चालनलाई थप प्रभावकारी बनाउने तथा आगामी बैठकका कार्यसूचीलाई व्यवस्थित ढङ्गले अघि बढाउने विषयमा विचार आदानप्रदान भएको सभामुखको सचिलालयले जनाएको छ।