बिएल संवाददाता
स्वास्थ्य उपचारका लागि विदेश गएका नेपाली कांग्रेसका निवर्तमान सभापति शेरबहादुर देउवा साउन २६ गते नेपाल फर्किने भएका छन्।
देउवाको सचिवालयका अनुसार उनी साउन २६ गते राति ९:४५ बजे त्रिभुवन अन्तर्राष्ट्रिय विमानस्थलमा अवतरण गर्ने कार्यतालिका छ।
यसअघि देउवाका स्वकीय सचिव भानु देउवाले भने देउवा साउन महिनाको अन्त्यतिर नेपाल फर्किने जानकारी दिए पनि यकिन मिति तय भइसकेको थिएन।
उपचारका लागि गत फागुन १३ गते सिंगापुर गएका देउवा त्यहाँबाट पत्नी आरजु राणा देउवासहित चैत ७ गते हङकङ पुगेका थिए। हाल उनी हङकङमै छन्।
देउवाको सचिवालयका अनुसार उनी पत्नी आरजुलाई हङकङमै छोडेर एक्लै स्वदेश फर्किन लागेका हुन्। देउवा परिवार केही समयपछि स्वदेश फर्किने बताइएको छ।
१ .
२ .
३ .
४ .
५ .
प्रतिक्रिया