पूर्वपरराष्ट्रमन्त्री डा. आरजु राणा कांग्रेसको देउवा समूहबाट १५औं महाधिवेशनका लागि क्षेत्रीय प्रतिनिधि चयन भएकी छन्।

कैलालीको धनगढी उपमहानगरपालिका–४ को वडा अधिवेशनबाट राणा निर्विरोध क्षेत्रीय प्रतिनिधिमा निर्वाचित भएकी हुन्।

केन्द्रीय कार्यसमितिका पदाधिकारी र सदस्यहरू स्वतः महाधिवेशन प्रतिनिधि हुने १४औं महाधिवेशनको विधानअनुसार देउवा समूहले १५औं महाधिवेशनको तयारी गरिरहेको छ। तर, स्वतः केन्द्रीय महाधिवेशन प्रतिनिधि हुने राणालाई वडा अधिवेशनले क्षेत्रीय प्रतिनिधि बनाएको हो।

निवर्तमान सभापति शेरबहादुर देउवा पनि यसअघि डडेल्धुराको गन्यापधुरा गाउँपालिका–१ को वडा अधिवेशनबाट निर्विरोध क्षेत्रीय प्रतिनिधि चयन भइसकेका छन्।

जेनजी आन्दोलनका क्रममा बूढानीकलण्ठस्थित निवासमै आक्रमणमा परेपछि उपचारका लागि भन्दै देउवा दम्पती देशबाहिर गएका थिए।

केही महिनाअघि शेरबहादुर स्वदेश फर्किइसकेका छन्। तर पत्नी राणा भने अङकङमा छिन्।