नेपाली कांग्रेसको १५औँ महाधिवेशनअन्तर्गत केन्द्रीय पदाधिकारी चयनका लागि भइरहेको मतगणनामा उपसभापति (खुला) तर्फ डा. चन्द्रकान्त भण्डारी र महामन्त्री (खुला) तर्फ प्रदीप पौडेलले अग्रता लिएका छन्।

३ हजार ४३५ मतगणना हुँदा उपसभापतिमा डा. भण्डारीले १ हजार ६८६ मत प्राप्त गरेका छन्। उनका प्रतिस्पर्धी मधु आचार्यले १ हजार ९० मत प्राप्त गर्दा सुरेन्द्रराज पाण्डेले ९५५ र गोविन्द भट्टराईले ९४१ मत पाएका छन्। धनराज गुरुङले ७१९, दीपक गिरीले ४९७ र प्रा. डा. चन्द्रमोहन यादवले २९९ मत प्राप्त गरेका छन्।

उपसभापति (समावेशी) तर्फ विनोद चौधरीले ८९६ मत प्राप्त गर्दै अग्रता लिएका छन्। जीवन परियारले ८२९, फरमुल्लाह मंसुरले ४६९, रञ्जित कर्णले २७० र सीता गुरुङले २५१ मत प्राप्त गरेका छन्।

महामन्त्री (खुला) तर्फ प्रदीप पौडेलले २ हजार ५५ मत प्राप्त गरेका छन्। उदयशमशेर राणाले १ हजार १५९ मत प्राप्त गर्दा डा. सुनील शर्माले ९३४, अमरसिंह पुन मगरले ८१९, गुरुराज घिमिरेले ६७८ र नैनसिंह महरले ४२८ मत पाएका छन्। त्यस्तै, शंकर तिवारीले ८२ र डा. सन्तोष उपाध्यायले ४९ मत प्राप्त गरेका छन्।

महामन्त्री (महिला) तर्फ डा. डिला संग्रौला (पन्त) ले १ हजार ५१७ मत प्राप्त गरेकी छन् र महालक्ष्मी उपाध्याय (डिना) ले १ हजार ३९८ मत प्राप्त गर्दा रीता खनालले ३६५ मत पाएकी छन्।