संस्कृति, पर्यटन तथा नागरिक उड्डयन मन्त्री खडक पौडेल (गनेस)ले सरकार पीडित नागरिकको दुःखप्रति अत्यन्त संवेदनशील रहेको र उपलब्ध स्रोतसाधनको अधिकतम उपयोग गर्दै उनीहरूको हितमा काम गरिरहेको बताएका छन्।

बौद्धस्थित सेतो गुम्बामा भोटेकोशी बाढीमा परि दिवंगत भएकाहरूको स्मृतिमा आयोजित कार्यक्रममा, सरकारले आफ्नो क्षमता, दक्षता, जनशक्ति र उपकरणको सक्दो उपयोग गरेर पीडितको हितमा काम गरिरहेको बताए।

‘सरकार पीडित सबै नागरिकको दुःखप्रति अत्यन्त संवेदनशील छ । सरकार आफ्नो क्षमता दक्षता, उपलब्ध जनशक्ति, उपकरण र आफूसँग भएका सबै स्रोतसाधनको सक्दो उपयोग गरेर पीडितको हितमा लागिरहेको छ,’ उनले भने।

उनले आफूहरूलाई विभिन्न व्यक्तित्व तथा रिन्पोछेलगायतको आशीर्वाद प्राप्त भएकाले कठिन परिस्थितिमा पनि बलियो भएर उभिन सकेको बताए। 

उक्त कार्यक्रममा थाइल्याण्डबाट आलोका कुकुरसहित आएका बौद्ध भिक्षुहरूको उपस्थिति थियो।