प्रधानमन्त्री केपी शर्मा ओलीले रास्वपालक्षित टिप्पणी गर्दै उनीहरूको वास्तविक रुप लामो समय नटिक्ने बताएका छन्।

आइतबार मदन भण्डारी फाउण्डेशनको चौथो राष्ट्रिय सम्मेलनको उद्घाटन गर्दै प्रधानमन्त्री ओलीले पछिल्लो समय निलो रंगका स्यालहरू निकै हाउभाउ गरिएको टिप्पणी गरे।

उनले भने, ‘आजकाल निलो रंगका स्यालहरू निकै हाउभाउ गरिरहेका छन्। तिनीहरूको वास्तविक रुप लामो समय टिक्ने छैन। एमालेले आफूूलाई आगामी निर्वाचनमार्फत निर्णायक राष्ट्रिय शक्तिमा विकसित हुने लक्ष्यमा छौं। हामी हाम्रा सही विचार, इमान र सत्यको राजनीतिबाट स्थापित हुुन्छौं।’

त्यस्तै उनले अहिले झुटा कुरा फैलाएर सरकारविरुद्ध नकारात्मक भाष्य निर्माण गर्ने कोसिस भइरहेको दाबी गरे।

‘झुुटा कुराको सहायतामा यस्तो विरोध गरिएको छ  कि मानौं, सरकारले केही गरेको छैन। हामीले देश बर्बाद बनाइरहेका छौं, हामीले कुनै अपराध गरिरहेका छौं,’ प्रधानमन्त्री ओलीले भने।

पार्टीभित्रको राजनीतिका हकमा धेरै आलोचनात्मक चेतमा जोड दिन नपर्ने उल्लेख गर्दै उनले विश्लेषणत्मक चेत राख्न सुुझाव दिए।

‘पार्टीभित्र एकताको चेत चाहिन्छ। विरोधीको आरोपको खण्डन गर्नुपर्छ विरोधीसँग लड्न नसक्ने अनि पार्टीभित्र आलोचनात्मक चेत बोक्ने बाटो सही बाटो होइन,’ उनले भने।