रूसले मंगलबार युक्रेनी सैन्य क्षेत्रमा आक्रमण गरेको छ।

रुसको रक्षा मन्त्रालयको दैनिक ब्रिफिंग अनुसार, रुसको सेनाले विगत २४ घण्टामा सुमी, खार्किभ र डोनेट्स्क लगायत युक्रेनी क्षेत्रहरूमा आक्रमण गरेको हो। आक्रमणका क्रममा रुसले युक्रेनका धेरै इलेक्ट्रोनिक युद्ध स्टेशनहरू, राडार स्थापनाहरू र गोलाबारुद डिपोहरू ध्वस्त पारेको छ।

रुसी आक्रमणको प्रतिबाद गर्दै युक्रेनले सोही दिन १७८ वटा रूसी ड्रोनहरू खसालेको छ। रुसी वायु रक्षा एकाइहरूले सोही अवधिमा सात युक्रेनी बम, रकेट र १०३ फिक्स्ड-विङ ड्रोनहरू रोकेको मन्त्रालयले जनाएको छ।

युक्रेनको सशस्त्र बलको जनरल स्टाफले एक रिपोर्टमा भनेको छ कि युक्रेनको सेनाले ११ रूसी सेना र उपकरण केन्द्रहरूमा प्रहार गरेको छ।

यसबाहेक युक्रेनको वायुसेनाले स्थानिय समय अनुसार सोमबार साढे ४ बजे देखि २६७ रूसी-प्रक्षेपित ड्रोनहरू मध्ये १७८ लाई गोली हानेको रिपोर्ट गरेको छ।

युक्रेनको संसदले मंगलबार नोभेम्बर ५ सम्म मार्शल ल र परिचालनलाई विस्तार गर्ने र ओटावा कन्भेन्सनमा देशको सहभागितालाई अस्थायी रूपमा निलम्बन गर्ने निर्णय गरेको छ। जुन अन्तर्राष्ट्रिय सन्धि हो जसले एन्टी-पर्सनल ल्याण्डमाइनको प्रयोगलाई निषेध गर्दछ ।

यसैबीच, अमेरिकी राष्ट्रपति डोनाल्ड ट्रम्पले रुसलाई शान्ति वार्ताको लागि ५० दिनको अल्टिमेटम प्रस्ताव गरेपछि कूटनीतिक तनाव बढेको छ। यदि वार्ताका लागि तयार नभए ट्रम्पले रुसमाथि गम्भीर कर लगाउने धम्की दिएका छन्।