बिएल संवाददाता
सर्वाधिक चर्चित र विवादित बनेको संघीय निजामती सेवा विधेयकमा एमालेका पाँच जना राष्ट्रिय सभा सांसदहरूले संशोधन हालेका छन्।
विवादित बनेको ‘कुलिङ अफ पिरियड’को विपक्षमा पाँच सांसदले संशोधन हालेको एमाले राष्ट्रिय सभा सदस्य गोपाल भट्टराईले बताएका छन्। निजामती सेवामा कुलिङ पिरियड लागु गर्ने प्रावधान हटाउनुपर्ने उनीहरूको प्रस्ताव छ।
भट्टराईसहित एमाले सांसदहरू सोनाम गेल्जेन शेर्पा, इन्दिरादेवी गौतम, रुक्मिणी कोइराला र सुमित्रा बिसीले उक्त संशोधन हालेका हुन्। यद्यपि यो पार्टीको निर्णय नभएको एमाले सांसदहरूको दाबी छ। आफूहरूलाई कुलिङ पिरियड तत्कालका लागि आवश्यक नभएको लागेपछि सामूहिक छलफल गरेर संशोधन हालेको उनीहरू बताउँछन्।
उक्त विधेयकमा राष्ट्रियसभामा एमालेका पाँचसहित १६ ओटा संशोधन परेका छन्।
१ .
२ .
३ .
४ .
५ .
